Hitori

Te Kura Kaupapa Māori o Ngā Maungarongo

Ko te tauaki o Te Kura kaupapa Maori o Ngā Mauangarongo e mea ana:

“E whakapumau ana matou te whanau o te Kura nei ki nga matapono o Te Aho Matua”

I tīmata te kura i te tau 1987, engari kaore i whakaaetia kia utua tae noa ki te wa i whakamatauria e te kawanatanga nga Kura Kaupapa Maori tuatahi, i te Kohitatea o te tau 1990.
I te 1987, i tū te kura i Te Kareti Kura Pouako o Tamaki Makaurau, katahi rātou ka neke ki etahi ruma i te Kura o Kelston, he kura mo te hunga taringa turi i Waipareira.

I wehe atu tētahi pekanga o te whānau ki te tīmata i tētahi kura atu anō, ā , i hoki rātou ki te Te Kareti Kura Pouako i te tau 1989.
Koia i tipu mai ko Te Kura Kaupapa Maori o Maungawhau.
He Matua Kohanga reo ratou i whakatū i tēnei kura. Ko tō rātou hiahia ko te pupuri tonu i a rātou tamariki te reo Māori me te ako ma nga matapono o Te Aho Matua.

I te Pipiri o te tau 1998, i neke te kura ki te wahi e tu nei ia inaianei ki ngā rekereke o Owairaka, i te rohe o Owairaka, a, i huri te ingoa ki Te Kura Kaupapa Māori o Nga Maungarongo.
Kua tipu, kua puāwai a Te Kura Kaupapa Maori o Nga Maungarongo i Owairaka ki Tamaki Makaurau, te taone nui rawa, te taone maha rawa nga ahurea rereke i te katoa o Aotearoa.

I te tau 2016 i tīmata te Wharekura o Ngā Maungarongo.
Ki te whanau o te kura, te nuinga kua neke mai i o ratou ake rohe a-iwi, he wahi whakaruruhau, he wahi ahuru mōwai te kura e ora nui ai te reo me nga tikanga a kui ma, a koro ma.

Ko te tohu o te Kura nei ko te Tuatara.